السلام عليكم ورحمه الله وبركاته
قال من خله توفى واندفن ***** قبل يجمعهم نصيب بالحياة
اسئلك يالله بكل اسم حسن**** ياكريم اسئلك بأعلى الصفات
وارجي انك مع حبيبي تجمعن**** وسط جنة عدن من بعد النجاة
راح في عزة شبابه واتركن **** فرقتنا قدرة الله يوم مات
شافت عيوني حبيبي بالكفن **** شايلينه بالنعش لجل الصلاة
ابعدو به عني ورجليني عصن **** ماقون المشي صارن واقفات
قلت يارجلين امشن واركضن **** سابقن الريح وانتن جاريات
حاولن المشي لكن ماقون **** طاح جسمي يوم صارن عاجزات
صارت عيوني جهتهم ينظرن **** ليت رجليني معاهم جاريات
صحت باعلا صوت يامن يسمعن *** من يسوي خير يجزء بحسنات
مامع المقفين احدن يرحمن **** قاسيات اقلوبهم مثل الحصاة
مابهم من رق لي حين اسمعن **** لا ولا منهم تكرم بالتفاة
صرت انا ازحف فوق صدري والبطن**** واختلط دم ودموع سايلات
دم جسمي من عروقة ينزفن **** من كثر زحفي على ارض الفلات
مع دموع من عيوني يذرفن **** من كثر نوحي على حسن الصفات
اشتكي هم اوغرابيل اوحزن ***** داعين ربي مجيب الداعيات
اسئلك ياذالجلال اتحملن **** العزاء والصبر فيها والثبات
يوم ضاعت حيلتي وتشتتن **** جملة افكاري وصارن ضايعات
خايف اوصل قبرها بعد الدفن **** لكن الله وصلن قبل الفوات
كن خلي يوم شفته ودعن **** قبل دفنه وسط قبره بلحظات
مامع الي حاضر دفنه فطن **** حين ماعزو اهلها بالوفاة
موقفي صعب اوفؤادي به مكن **** حسرة ظلت اجروحي ساطيات
صرت انا من غير ماشعر بس اون**** وتقلب من جروح خافيات
فوق قبر فيه محبوبي سكن **** علي اركانه لها مستاسعات
قربو اهله وقالو انت من **** كيف في نفسك تسوي هالسوات
ضاق صدري زود وعيوني بكن **** قلت انا لي فيه عزوني عزاه
اسئلو قلبن لها دايم يحن **** حبها نابت على ارضه نبات
واسئلو عين بكت مافي شجن **** جرحت خدي دموع حاميات
قالو انت الي على لسانه لحن **** قبل تتوفى عطتنا لك وصات
قالت اوصيكم بمن حبه فتن ****** قلبي اوروحي لحبه شاهدات
رددت باسمك وهي بين المحن *** قالت انا هو اعز الامنيات
كل شي قبل موتي ذكرن **** بسعد اللحظات واحلى الذكريات
مع حبيب الروح لكن الزمن **** اصدر احكام علينا جاريات
بالقدر نرضى وربي قال كن **** وكانت الفرقى وماله مانعات
واخر الى قالته لايقطعن **** من زيارة مع سلام كافيات
قلت انا متأكد ماني اظن **** ان دعيت الله بحسن الخاتمات
يستجيب اللدعوتي فيها استعن **** مستعين بغير ربي هاي هات
ربي ارحم هاجري من نايمن **** يعطي ابرايه بدون امشاورات
يجعله تسكن بجنات علن **** جنة الفردوس اعلى العاليات
والختم صلو عدد مايذكرن **** من نجوم اوعد مابالكاينات
وعد ورد فوق الاغصان اثمرن **** من نبي الله سلام اوصلاوات
أنتي غير مسجله في بنت حائل ; للتسجيل اضغطي هنا
